• 8 Yanvar, 2016, 16:45
• Oxunma (105 Baxış)
• BEYNƏLXALQ
• • Tweet

Azərbaycana casusluqda ittiham olunan mayor Marutyan Qazaxla sərhəddə xidmət edib

Ermənistan ordusunun ehtiyatda olan mayoru, bu ölkənin xüsusi xdmət orqanları tərəfindən Azərbaycanın xeyrinə casusluqda ittiham olunan Qarik Marutyan Azərbaycanın Qazax rayonu ilə həmsərhəd istiqamətdə, Noyemberyan rayonunda yerləşən kəşfiyyat batalyonunun komandiri olub.

Virtualaz.org xəbər verir ki, bu haqda “Aravot” qəzeti yazır.

Ermənistan Milli Təhlükəsizlik Xidməti mayor Marutyanın həbsinə dair dekabrın 9-da məlumat yayıb. Məlumata əsasən o, hərbi xidmətdə olduğu dövrdə sosial şəbəkələr üzərindən Azərbaycan xüsusi xidmət orqanlarının Türkiyə ərazisində fəaliyyət göstərən nümayəndələri ilə təmas quraraq onlara müəyyən məbləğlər qarşılığında məxfi məlumatlar ötürüb.

Qarik Marutyan Ermənistanın Armavir vilayətinin sakinidir. Onun keçmiş xidmət yoldaşları deyir ki, mayor Marutyan hərbi xidmət zamanı heç bir nöqsana yol verməyib, ciddi adam olub. Onun Facebook səhifəsində Noyemberyan rayonundakı Koxb kəndindəki kilsənin yanında çəkilmiş şəkli də var.